Լուրեր
Սերժը գնաց, գաղջը մնաց․ Հովհաննես Ազոյան

«Մեկ տարի առաջ, քաղաքապետի ընտրություններից առաջ՝ ամռանը, ես կարծեցի, որ կարիք կա այնպիսի մարդկանց, ովքեր հասկացել են՝ ինչ է հեղափոխությունը, և կադրային ռեսուրսի՝ պարկեշտ, ազնիվ մարդկանց կարիք կա, և հայտ ներկայացրեցի. մնաց անպատասխան: Ես այդպես էլ չհասկացա, թե որն էր խնդիրը»,- «Առաջին լրատվական»-ի հետ զրույցում այս մասին նշեց դերասան, հաղորդավար Հովհաննես Ազոյանը՝ խոսելով «Քաղաքացիական պայմանագիր» կուսակցությանն անդամակցելու իր ցանկության մասին:

Արդյո՞ք տեղի է ունեցել հեղափոխության արժեքների կապիտալիզացիա. Հովհաննես Ազոյանի դիտարկմամբ՝ հեղափոխության արժեքների կապիտալիզացիայի համար երկար ճանապարհ պետք է անցնել. «Մենք հիմա անցնում ենք այդ ճանապարհով»:

«Հեղափոխությունը ամեն ինչ զրոյից և մաքուր էջից սկսելու հնարավորություն տվեց»,- նշեց Հովհաննես Ազոյանը: Նա նաև հավելեց. «Ես ուրախ եմ, որ այս իշխանությունն է եկել իշխանության, ես համամիտ եմ իշխանական թիմի տեսլականին, թե ինչպես կարելի է երկիրը ծանր վիճակից հանել, բայց անհրաժեշտության դեպքում ես պետք է քննադատեմ: Կարծում եմ՝ արտաքին հարաբերությունների առումով Հայաստանը դիրքերը բարելավել է. արտաքին քաղաքականության առումով քննադատության առիթ չեմ տեսնում, իսկ ներքին քաղաքականության առումով շատ-շատ թերացումներ կան, որոնք ոչ թե դիտավորյալ են արված, այլ պատահաբար»:

Քաղաքապետի գործունեության վերաբերյալ Հ. Ազոյանը նշեց, որ իրեն անհանգստացնում է դիլետանտային վերաբերմունքը այս կամ այն հարցի շուրջ:

«Հայկ Մարությանը Զելենսկու մինի տարբերակն է»,- նկատեց Հ. Ազոյանը:

«Եթե որդեգրել ենք էքսպերիմենտալ քաղաքականություն, ապա պետք է էքսպերիմենտալ քայլեր ձեռնարկենք, բայց վարչապետը հաճախ ավելի զգուշավոր քաղաքականություն է դրսևորվում: Տեղեր կան, որ ավելի ռիսկով քայլեր պետք է անել»,- նշեց մեր զրուցակիցը:

«Իմ ուղեցույցը միայն Նիկոլ Փաշինյանն է, ուրիշ ուղեցույց չունեմ քաղաքական կյանքում: Ինձ նման շատերն են մտածում, իսկ Նիկոլը դեռ մնում է միայնակ. սա պրոբլեմ է»,- նշեց դերասանը: Նա նաև հավելեց, որ նոր հումորային հեռուստանախագիծ է պատրաստում և ցանկանում է, որ առաջին հրավիրյալ հյուրը լինի վարչապետ Նիկոլ Փաշինյանը. «Ուզում եմ, որ կոտրվի այս գաղջ մթնոլորտը: Սերժ Սարգսյանը գնաց, բայց գաղջ մթնոլորտը մնաց»:

Մանրամասն տեսանյութում:

  • Դիտումներ՝ *