Մխչյան գյուղում՝ նորանշանակ վարչապետ Հովիկ Աբրահամյանի ծննդավայրում, բնակիչներն «Առաջին լրատվական»-ի հետ զրույցում, չթաքցնելով ուրախությունը իրենց համագյուղացու՝ վարչապետ նշանակվելու առթիվ, պատմում են բազմաթիվ պատմություններ Հովիկ Աբրահամյանի մանկությունից, պատանեկությունից, և թե ինչու են նրան «մուկ» կանչել:
Գյուղացիներից մեկը պատմեց, որ երեխա ժամանակներից են նրան այդպես անվանել, նրան այդպես կանչել է Հովիկ Աբրահամյանի մայրը՝ Ռեբեկան. «Մաման է պատմել, ասում էր, որ որտեղ պահել եմ կոնֆետը, գնացել հանել է մկան նման, թե չէ ինքը սենց տղա է»,- ասաց գյուղացիներից մեկը՝ ձեռքի շարժումով ցույց տալով, որ հրաշալի տղա է Հովիկ Աբրահամյանը:
Հիմա, սակայն, գյուղում ոչ մեկը նրան այդ անունով չի դիմում: Սկզբում ասում էին Հովիկ, հիմա արդեն պարոն Աբրահամյան:
Տիկին Ռեբեկան դեռ վաղուց է գուշակել, որ Հովիկ Աբրահամյանը քաղաքականության մեջ առաջընթաց է ունենալու. «Եթալ-գալ ունեինք, ասում էր՝ այ մարդ, Հովոն կլնի նախագահ»:
Մյուսն էլ թե՝ Հովիկը կյանքում գյուղում գողություն չի արել, մաման է իրեն այդպես կանչել. «Լսել ենք, որ փոքր ժամանակ վեր է կացել, սկսել շաքար ուտել, իր մայրն է իրեն այդպես կանչել»: