Այսօր՝ դեկտեմբերի 12-ին, Ազգային ժողովում սկսվել է արտահերթ նիստի աշխատանքը: Այժմ քննարկվում է ՀՀ կառավարության և Վերակառուցման և զարգացման միջազգային բանկի միջև վարկային համաձայնագիրը վավերացնելու մասին օրենքի նախագիծը:
Ինչպես ասաց ֆինանսների նախարարի տեղակալ Արմեն Հայրապետյանը՝ համաձայնագրով նախատեսվում է պետբյուջեին տրամադրել աջակցության վարկ՝ 45,8 մլն եվրո գումարի չափով:
«Մենք վարկ ենք վերցնում և ասում՝ գնում ենք գարնանային ուղղությամբ»,- հայտարարեց «Բարգավաճ Հայաստան» խմբակցության պատգամավոր Միքայել Մելքումյանը՝ հիշելով «Երևանյան օրերի խրոնիկան» ֆիլմը:
Նրա խոսքով՝ կառավարությունը փող ունի, որը չի կարողանում օգտագործել, և տոկոսով նորից փող է վերցնում. «Տրամաբանական չէ»:
Մանրամասները՝ տեսանյութում:
