Անդրեյ Տարկովսկու «Հայելի» ֆիլմի հազվագյուտ սցենարը, որը սկզբնական տարբերակով կոչվում էր «Սպիտակ, սպիտակ օր», աճուրդում վաճառվել է 1,25 միլիոն ռուբլով, ասվում է «12-րդ աթոռ» աճուրդի տան կայքում:
«Հայելի»-ն (1974) Տարկովսկու համար դարձել է խորհրդանշական ֆիլմ-խոստովանություն, որը կառուցված է բարդ ասոցիատիվ շարքերի և կերպարների վրա: Դերերը կատարել են Մարգարիտա Տերեխովան, Ինոկենտի Սմակտունովսկին, Ֆիլիպ Յանկովսկին, Ալլա Դեմիդովան և այլք:
Ինչպես «ՌԻԱ Նովոստի»-ին հայտնել է աճուրդի տան փորձագետ Իվան Եֆիմովը, աճուրդի է հանվել սահմանափակ տպաքանակով, հատուկ նկարահանման խմբի համար տպված սցենարը՝ Տարկովսկու ինքնագրով՝ ոմն Վոլոդիային: