Մեծ Բրիտանիայի Մանչեսթեր քաղաքի բնակիչը բողոքել է աղվեսից, որը միզել է նրա գավաթի մեջ և փչացրել թեյը: Միջադեպի հոլովակին ուշադրություն է դարձրել The Mirror պարբերականը:
25-ամյա Ռայան Ռոբինսոնը որոշել է փոխել մեքենայի յուղը և թեյի գավաթը դրել է մայթին՝ ճամփեզրի մոտ:
Շուտով աղվեսը գաղտագողի մոտեցել է գավաթին: Բրիտանացին տեսանկարահանել է կենդանուն: Կադրում լսվում է, թե ինչպես է Ռոբինսոնն ասում. «Օյ, հեռացիր իմ ըմպելիքից»:
Աղվեսը ուշադրություն չի դարձնում նրա խոսքերին, հոտոտում է թեյը, որից հետո անսպասելի բարձրացնում է թաթը և միզում անմիջապես ըմպելիքի մեջ: Այնուհետև կենդանին փախչում է:
Տղամարդն աղվեսի մասնակցությամբ տեսանյութը տեղադրել է Facebook-ում, և այն արագորեն վիրուսային է դարձել: Տեսահոլովակը 16 հազար մեկնաբանություն է հավաքել: