Լուրեր
Գորան Բրեգովիչի խմբին վճարելու է 65 հազար եվրո. Տիգրան Վիրաբյան
  • 12:28
  • 2019-12-11
  • Դիտումներ՝ *

Դեկտեմբերի 21-ին, 20։00- ին տոնական լույսերի վառման արարողությունը կլինի հայաֆիկացված, համաշխարհային ամանորյա հիթերով, որի վրա մեծ խումբ է աշխատում։

«Այս ձևաչափը կլինի շատ հետաքրքիր, քանի որ հանդիսատեսը  հնարավորություն կունենա հայ էստրադայի աստղերին տեսնել ոչ միայն որպես երգիչ, այլ նաև մյուզիքլի արտիսիտի կերպարում։ Սա կլինի բովանդակային բարձրակարգ միջոցառում։ Լույսերի վառման արարողությունից հետո կլինի ամանորյա տոնական մարկետի բացումը, որը կշարունակվի մինչև հունվարի 13-ը։ Մենք կարծում ենք, որ  ամանորյա միջոցառումները չեն կարող լինել զուտ մեկ-երկու տոնական համերգ, հետո լինի զուտ եղևնու մոտ նկարվել։ Պետք է այնպես անել, որ ամեն օր լինի հետաքրքիր միջոցառում։ Արդեն մեկ ամսից ավել քննարկվում  է, թե  ինչու դեկտեմբերի 31-ին պիտի երգի Գորան Բրեգովիչը, այլ ոչ հայ աստղ»,-այս մասին այսօր հրավիրված ասուլիսում հայտարարեց Երևանի փոխքաղաքապետ Տիգրան Վիրաբյանը։

Փոխքաղաքապետը նաև նշեց. «Բրեգովիչի հոնորարը կազմում է 65 հազար եվրո, խումբը լինելու է 10-ից ավել արտիստներով, կենդանի կատարումներ են լինելու։ Կարծում եմ, սա միջազգային չափորոշիչներով նորմալ պայմաննեով համաձայնվել է գալ Հայաստան։ Եթե տեսնեք, թե որքան է հայ արտիստների հոնորարը Ամանորի գիշերը , ապա կտեսնեք, որ նշված գումարը ահասարսուռ չէ»։

  • Դիտումներ՝ *