Լուրեր
Ռշտունին իր գնահատականներով հավաստեց, որ դատական համակարգը պետք է փրկել հենց իր նմաններից
  • 12:45
  • 2019-12-11
  • Դիտումներ՝ *

Վերաքննիչ քրեական դատարանի նախագահ Վազգեն Ռշտունին բարձրաձայնում է օրենսդիր և գործադիր իշխանության կողմից դատական իշխանության վրա ճնշումների մասին։

Ինչպե՞ս հասկանալ, երբ դատավորը տիրապետում է ճնշումների մասին տեղեկատվության, սակայն այն չի հրապարակում․ «Առաջին լրատվական»-ի հարցին Հելսինկյան քաղաքացիական ասամբլեայի Վանաձորի գրասենյակի նախագահ Արթուր Սաքունցը պատասխանեց․ «Նա շատ լավ գիտի, թե ճնշումների դեպքում ինչ գործողություններ կարող է իրականացնել՝ դիմել Բարձրագույն դատական խորհրդին կամ հաղորդում ներկայացնել իրավապահ մարմիններին քրեական հարուցելու համար։ Այսինքն՝ կարծում եմ, որ նա ունի բավարար թե՛ գիտելիքներ, թե՛ կարողություն, և տիրապետում է օրենսդրությանը, որպեսզի օգտվի։ Իսկ թե ինչու չի օգտվում, պետք է երևի նրան հարցնել։ Բայց եթե ելնում ենք այն բանից, որ նա գիտի այդ ամեն ինչը և չի օգտվում դրանից, այլ հայտարարություն է տարածում, նշանակում է, որ նա արդեն հանդես է գալիս որպես քաղաքական հայտարարություն կատարող անձ։ Դատավորներն ընդհանրապես զուսպ են լինում հրապարակային ելույթներից՝ տարբեր պատճառներով։ Առաջինը, իհարկե, մասնագիտական էթիկայից ելնելով, երկրորդը՝ եթե ճնշման տակ են լինում։

Դատավոր Ռշտունու այդ հարցազրույցը, ես, ճիշտն ասած, չեմ էլ հասկանում, թե ինչու հենց հիմա որոշեց այդ հարցազրույցը տալ, կարծում եմ՝ պատահական չի։ Երևի թե Ռոբերտ Քոչարյանի դատավարության հետ կապված որոշակի ինչ-որ վիճակ է ստեղծվել, որ անհրաժեշտ է համարել հայտարարությամբ հանդես գալ։ Ըստ էության կարելի է ենթադրել, որ Քոչարյանի գործի հետ կապված կա այդպիսի անհրաժեշտություն՝ գուցե պետք է լրացուցիչ փաստարկներ Եվրադատարանում ներկայացնելու համար։ Ես կարող եմ ասել, որ եթե դա լիներ դատական իշխանությունով մտահոգվածությունը, ապա դա կլիներ իմ նշած իրավական ճանապարհով ընթացք տալը։ Ես չեմ կարող խոսել մի բանի մասին, որի վերաբերյալ չունեմ հստակ տվյալներ, բայց որ առնվազն նման պահվածքն ու խոսքը միանշանակ անհամատեղելի է դատական իշխանությունով մտահոգված դատական իշխանության ներկայացուցչի կողմից»։

 

 

Մանրամասները՝ տեսանյութում։

  • Դիտումներ՝ *