Սանկտ Պետերբուրգի սրճարաններից մեկում յոթ տղաներ ծեծի են ենթարկել 18-ամյա Եկատերինա Լըսիխին՝ վերջինիս սեռական կողմնորոշման պատճառով: Նրանք վիրավորել են աղջկան և նրա ընկերուհիներին իրենց արտաքին տեսքի պատճառով և հարցրել են նրանց. «Դուք լեսբուհիներ ե՞ք»՝ գրում է lenta.ru-ն:
Ըստ տուժածի ընկերուհիներից մեկի՝ դեպքը տեղի է ունեցել Լիգովսկու Պրոսպեկտում մոտ 22։00-ին: «Քայլում էինք փողոցով, երբ հետևից մեզ մոտեցան մի խումբ տղաներ: Նրանք սկսեցին կոպիտ կերպով վիրավորել մեզ այն պատճառով, որ տարօրինակ տեքս ունենք: <…> Նրանք շատ մոտ եկան՝ հարցնելով, թե ինչ կա մեր գրպանում:
Մենք փորձեցինք առաջ շարժվել, բայց նրանք արգելափակեցին մեր ճանապարհը», – հիշում է աղջիկներից մեկը:
Արդյունքում աղջիկները վազել են սրճարան, որտեղ նրանցից մեկը փորձել է պայուսակից հանել պղպեղի սփրեյը և նույն պահին դեմքին հարված է ստացել: Եկատերինան փորձել է պաշտպանել ընկերուհուն։ Տղաները փորձել են փախչել, իսկ Կատյան վազել է նրանց հետևից՝ գոռալով, թե ինչ սրիկաներ են նրանք։ Այնուհետև տղաները մի քանի անգամ հարվածել են 18-ամյա աղջկա դեմքին, գլխին և դիմել փախուստի:
Արդյունքում աղջիկը ուղեղի ցնցումով և բազմաթիվ վնասվածքներով հայտնվել է հիվանդանոցում։