Friday, 22 01 2021
Friday, 22 01 2021
Իրանի արտգործնախարարը հունվարի 27-ին կայցելի Հայաստան
ՀՀ ԶՈՒ ԳՇ պետն ու ԱՄՆ դեսպանը նախանշել են պաշտպանական համագործակցության հետագա ծրագրերը
Վահան Քերոբյանի գլխավորած պատվիրակությունը մեկնել է Իրան
Նոր քաղաքականություն, նոր շեշտադրումներ․ ԱՄՆ դեսպանի հոդվածի հրապարակման օրը պատահական չէր
Արցախում կրճատվել է անհայտ կորածին մահացած ճանաչելու ժամկետը
«Վամպիրի» դին են գտել, Գասպարյանը կաթված է ստացել, ԱԺ-ն քվեարկել է․ օրվա լուրերն՝ ամփոփ
19:40
Կուբայում սահմանափակել են էքսկուրսիաները օտարերկրյա զբոսաշրջիկների համար
«Հանուն Հանրապետության» կուսակցության ղեկավար մարմնի անդամները հանդիպել են ՀՀ-ում Բուլղարիայի Հանրապետության դեսպանի ժամանակավոր հավատարմատարի հետ
Արցախյան վերջին պատերազմի մի խումբ մասնակիցներ պահանջում են իրենց հասանելիք գումարը
19:20
Եվս չորս երկրներում կորոնավիրուսի «հարավաֆրիկյան» մանրէահիմք են հայտնաբերել
Իհարկե, Շուշին հայկական է․ Արարատ Միրզոյան
Տեղի է ունեցել շաքարավազի իրացման մանրածախ գնի բարձրացում
Գագիկ Ջհանգիրյանն ու Դավիթ Խաչատուրյանն ընտրվեցին ԲԴԽ անդամի պաշտոնում
Ուղիղ․ Հայտնի են ԲԴԽ նոր անդամները․ քվեարկության արդյունքների ամփոփում
19:00
Հանրապետականները ծրագրում են Թրամփի դեմ իմպիչմենթի գործընթաց սկսել փետրվարին
Ժողովուրդն ինքն է արժևորել Առնո Բաբաջանյանի վաստակը. ԿԳՄՍ նախարար
Հանդիպում-քննարկում շրջակա միջավայրի նախարարի մոտ
Անդրանիկ Փիլոյանը հանդիպել է ՀՀ-ում Բելառուսի դեսպանի հետ
Եվրոպական քաղաքակրթությունը պարտվում է թուրքական քաղաքականությանը
18:42
Ռիո դե Ժանեյրոյում չեղարկել են 2021 թվականի կառնավալը
18:33
Զիդանը վարակվել է կորոնավիրուսով
ԿԲ-ն՝ Ֆինքայի կողմից վերադարձման ենթակա գումարների մասին
ՀՀ էկոնոմիկայի նախարար Վահան Քերոբյանի գլխավորած պատվիրակությունը մեկնել է Իրան
Հունվարի 24-27-ն օդի ջերմաստիճանը կբարձրանա 5-7 աստիճանով
Թուրքիան և Ադրբեջանն ունեն մի նպատակ` վերացնել Հայաստանը․ փորձելու են հասնել իրենց նպատակին
Իսաբեկյան․ Շուշիում թաքուն ցուցադրված «Սումգայիթ» կտավը կարելի է ենթադրել՝ ինչ հաճույքով է ոչնչացվել
2.5 տարվա ընթացքում արդարադատության գնացքը գնացել է հետ՝ դեպի Քոչարյանի ժամանակներ. Բաբաջանյան
18:10
ԻՊ խմբավորումը ստանձնել է Բաղդադում կրկնակի ահաբեկչության պատասխանատվությունը
Այսօր մենք խնդիր ունենք դատական իշխանությունը փոխել կոշտ մեթոդներով. Նազելի Բաղդասարյան
«Վերադարձ Սոլոզը» հայ հանդիսատեսին ներկայացվում է ավելի շուտ, քան ֆրանսիացիներին. ՀՀ-ում Ֆրանսիայի դեսպան

Սխալը փոխարինում ենք սխալով. Հրաչյա Ռոստոմյանը՝ ՀՖՖ թեկնածուների և ֆուտբոլի փրկության մասին

Հայկական ֆուտբոլի փրկության հարցը շարունակում է ակտիվորեն քննարկվել հասարակության շրջանում: Դեկտեմբերի 23-ին Հայաստանի ֆուտբոլի ֆեդերացիան կունենա նոր նախագահ և գործադիր կոմիտե: Ոմանք ծանր իրավիճակից դուրս գալու ճանապարհը կապում են ՀՖՖ նախագահի պաշտոնում առաջադրված թեկնածուներից որևիցե մեկի հետ, ոմանք էլ, վերջնականապես հուսախաբ եղած, պնդում են, որ անդունդից դուրս գալու հեռանկար ուղղակի չկա:

Հիշեցնենք, որ ՀՖՖ նախագահի պաշտոնի համար պայքարում են լեգենդար ֆուտբոլիստ՝ «Անի» ֆուտբոլայի ակումբի նախագահ Խորեն Հովհաննիսյանը, «Լոռի» ակումբի նախագահ Թովմաս Գրիգորյանը, ինչպես նաև ՀՖՖ փոխնախագահ Արմեն Մելիքբեկյանը:

Մեր ֆուտբոլում ստեղծված իրավիճակի, ինչպես նաև առաջիկա ընտրություններին վերաբերող հարցերի շուրջ «Առաջին լրատվական»-ը զրուցել է Հայաստանի ազգային օլիմպիական կոմիտեի գլխավոր քարտուղար Հրաչյա Ռոստոմյանի հետ:

– Պարոն Ռոստոմյան, ինչպե՞ս կբնութագրեք ստեղծված իրավիճակը ՀՖՖ նախագահի ընտրություններին ընդառաջ:

– Ցավով պետք է նշեմ, որ մասնագիտական վերլուծություն անելու պարագայում համոզվում ենք, որ հեռանկարը բավական մշուշոտ է: Չկան ծրագրեր, որոնք կարող են օգնել դուրս բերել այս իրավիճակից: 30-40-ի վրա դաշտեր կառուցելով կամ ակադեմիաներ կառուցելով ֆուտբոլը չի զարգանա: Ինչ-որ բան սխալ է արվում, և ժամանակն է, որ համարձակություն ունենանք և ընդունենք դա: Ընդհանրապես, ցանկալի կլիներ, որ մեր երկրում բոլոր ոլորտներով մարդիկ սխալվելու պարագայում բարձրաձայնեին դրա մասին: Պետք է գտնել խնդիրը,  բայց այդ խնդիրը գտնելու համար մեկ մարդը բավարար չէ: Ֆուտբոլը փրկելու համար անհրաժեշտ է ազգային մոտեցում: Անհրաժեշտ է, որ ոչ միայն ֆուտբոլի, այլև մարզաշխարհի մարդիկ համախմբվեն այս հարցի շուրջ:  Գոյություն ունեն ինչպես կարճաժամկետ, այնպես էլ երկարաժամկետ ծրագրեր: Կարճաժամկետ ծրագիրը վերաբերում է ազգային հավաքականին: Ֆուտբոլասերը չի կարող 8 տարի սպասել՝ մինչև հավաքականը ուժեղանա: Կան մի քանի տարբերակներ: Ես մեծ հույսեր եմ կապում ԵԱՏՄ-ի և այս տարածքում հանդես եկող ֆուտբոլիստների հետ: Օրինակ՝ Իտալիայի պես հավաքականն ունի նատուրալիզացված ֆուտբոլիստներ, որոնք օգնում են բարձր պահել երկրի պատիվը: Երկարաժամկետ ծրագիրը բնականաբար վերաբերում է ֆուտբոլի ընդհանուր զարգացմանը: Մեզ թվում է, թե ֆեդերացիայի նախագահ փոխելով լուծում ենք խնդիրը: Իրականում  սխալը փոխարինում ենք սխալով. սա է խնդիը:

– ՀՖՖ նախագահի համար պայքարում են 3 թեկնածուներ: Նրանցից ո՞ւմ եք տեսնում այս պաշտոնում, և ո՞ւմ հետ կարելի է հույսեր կապել:

– Միանգամից ասեմ, որ առաջադրված բոլոր թեկնածուներին բացասաբար եմ վերաբերվում: Սկսենք Արմեն Մելիքբեկյանից: Նրա հասցեին հնչեցրած մեղադրանքներին լուրջ չեմ վերաբերվում, բայց… Գաղտնիք չէ, որ Արթուր Վանեցյանը, լինելով նաև ԱԱԾ պետ, ժամանակ չուներ լիարժեք կերպով ղեկավարելու նաև ֆուտբոլային գերատեսչությունը: Այդ ընթացքում դե ֆակտո ՀՖՖ ղեկավարի դերը ստանձնել էր հենց Մելիքբեկյանը: Իտալիայից կրած խայտառակ պարտության և ընդհանուր ձախողման մեղավոր է նաև նա, ուստի պետք է Վանեցյանի հետ հրաժարական տար նաև Մելիքբեկյանը: Կարծում եմ՝ նա չի կարող առաջնորդել մեր ֆուտբոլը: Մտավախություն ունեմ, որ որոշ ժամանակ անց կարող է երանի տանք նախկիններին, մասնավորապես՝ Ռուբեն Հայրապետյանին: Շատերն են տեղյակ իմ և Հայրապետյանի փոխհարաբերությունների մասին, բայց հիմա կարող եմ ասել, որ նրա օրոք նման կոլապսային իրավիճակներ չէին առաջանում: Խաղերի ժամանակ հայհոյանքներ և ծեծկռտուքներ տեղի չէին ունենում: Ինչևէ, Խորեն Հովհաննիսյանը լեգենդ է, մեծ ավանդ ունի մեր ֆուտբոլում: Բայց նրան որպես ՀՖՖ նախագահ չեմ պատկերացնում: Հասարակությունը լավ ծանոթ է Հովհաննիսյանի թե՛ դրական և թե՛ բացասական կողմերին: Այս պաշտոնի համար հարկավոր է լավ մենեջեր: Որպես ավագ ընկերոջ՝ Հովհաննիսյանին խորհուրդ եմ տալիս հանել իր թեկնածությունը և մնալ որպես լեգենդ: Պետք չէ ներգրավվել նման մակարդակի խաղերի մեջ: Ինչ վերաբերում է Թովմաս Գրիգորյանին, ապա տեղյակ եմ նրա հետ կապված միջադեպերի մասին: Հրապարակումներ եղան, որ նա դատարանի կողմից սնանկ է ճանաչվել: Նման մարդն ուղղակի իրավունք չունի ղեկավարելու 10 միլիոն դոլար բյուջե ունեցող կառույց: Այստեղ ամեն ինչ պարզ է:

– Իսկ ո՞րն է իրավիճակից դուրս գալու ճանապարհը: Ի՞նչ պետք է անել ֆուտբոլը փրկելու համար:

– Ես ֆուտբոլային աշխարհի առողջ ուժերին հորդորում եմ համախմբվել: Խոսքս ուղղում եմ ֆան ակումբների կառույցների՝ ՖԱՖ-ի և «Ռեդ Իգլսի»-ի ղեկավարներին՝ Սերգեյին և Դենիսին: Միավորվեք ծագած խնդրի շուրջ, մի կողմ դրեք բոլոր տարաձայնությունները, մենք իսկապես ծանր վիճակում ենք գտնվում: Հորդորում եմ համախմբվել բոլոր ակումբների ղեկավարներին, մասնավորապես՝ «Շիրակի» նախագահ Արման Սահակյանին, որը Գյումրիում մեծ գործեր է արել մեր ֆուտբոլի համար: Կարևորում եմ նաև «Լեգալ Սպորտ» գործակալության դերը, որոնք տիրապետում են ժամանակակից ֆուտբոլի զարգացման դետալներին և նյուանսներին: Այս գործակալությունը ևս մեծ օգուտ կարող է տալ մեր ֆուտբոլին: Պետք է լինի ընդհանուր քննարկում և բոլորի կողմից զարգացման ծրագիր: Այո, առջևում ընտրություններ են: Կարող ենք գոնե այնպես անել, որ ՀՖՖ նոր նախագահը և աշխատակազմը առաջնորդվեն հենց այդ ծրագրով:

Հեղինակներ
ՆՎԵՐ ՄՆԱՑԱԿԱՆՅԱՆ
ՆՎԵՐ ՄՆԱՑԱԿԱՆՅԱՆ
ԳՈՀԱՐ ՀԱՅՐԱՊԵՏՅԱՆ
ԳՈՀԱՐ ՀԱՅՐԱՊԵՏՅԱՆ
Արթուր Աղաբեկյան
Արթուր Աղաբեկյան
Ժիրայր Ոսկանյան
Ժիրայր Ոսկանյան
Բաժիններ
Ուղիղ
Լրահոս
Որոնում