«Իրավախախտում անելու դեպքում պատժել, վառել սահմանադրական դատարանի անդամներին նմանատիպ փաստարկները ամոթ է, որ հնչում են ԱԺ-ում: Մեզ մեղադրում են վիրավորական առաջարկ անելու համար, բայց, ըստ էության, այսօր այդ մարդկանց, ում մենք ձեռք ենք մեկնում բարեկամաբար և առաջարկում ենք սեղմել այդ ձեռքը և չխոչընդոտել սահմանադրական դատարանի նոր մոդելի ձևավորմանը, նրանց հասցեին հնչում են վիրավորանքներ ընդդիմադիրների կողմից: Ինձ համար անընդունելի են «պատժել, Հրայր Թովմասյանը հերետիկոս է» նման արտահայտությունները»,-«Առաջին լրատվական»-ի հետ զրույցում ասաց Արդարադատության նախարար Ռուստամ Բադասյանը՝ անդրադառնալով ՍԴ դատավորներին վաղաժամ թոշակի ուղարկելու նախագծին և նախագծի հետ կապված ընդդիմության քննադատությանը: