Լուրեր
Նոնսենս է. ՍԴ դատավորներին 700 մլն դրամով ուղարկում ենք փառահեղ հանգստի. Իվետա Տոնոյան
  • 11:16
  • 2019-12-10
  • Դիտումներ՝ *

Այսօր՝ դեկտեմբերի 10-ին, Ազգային ժողովում շարունակում է քննարկվել Սահմանադրական դատարանի մասին սահմանադրական օրենքում լրացում կատարելու մասին հարցը:

«Այս նախագիծն ինձ համար նոնսենսի շատ ցայտուն դրսևորում է. փոխանակ հանրության վստահությունը չվայելող դատավորներին օրենքով սահմանված կարգով պատժի ենթարկեն՝ իշխանությունները նախընտրում են շուրջ 700 մլն դրամ հատկացնել և նրանց ուղարկել փառահեղ հանգստի»,- հայտարարեց «Բարգավաճ Հայաստան» խմբակցության պատգամավոր Իվետա Տոնոյանը:

Նա հարց բարձրացրեց՝ ինչպե՞ս է որոշվել, որ ՍԴ-ում ճգնաժամ կա. «Հիմք եք ընդունել տոտալ անգործության մատնված Վահե Գրիգորյանի հայտարարություննե՞րը. եթե այդպես է, կարելի էր նախագծի հիմնավորումների մեջ նշել, որ Վահե Գրիգորյանի ասածը մեզ համար օրենք է»:

Պատգամավորը նաև զարմացած է, թե ինչու է այս հարցը դարձել կյանքի ու մահու հարց. «Ի վերջո, միևնույն է, մյուս տարի պետք է սկսի գործել սահմանադրական բարեփոխումների հանձնաժողովը. թողնենք հանձնաժողովին իրականացնել իր գործառույթները»:

Նրա խոսքով՝ սա ոչ ցանկալի դատավորներից ազատվելու և հեզ ու խոնարհ դատավորներով համալրելու միտում է հետապնդում ընդամենը:

 

Մանրամասները՝ տեսանյութում:

  • Դիտումներ՝ *