Այսօր՝ դեկտեմբերի 10-ին, Ազգային ժողովում շարունակում է քննարկվել Սահմանադրական դատարանի մասին սահմանադրական օրենքում լրացում կատարելու մասին հարցը:
«Այս նախագիծը ոտից գլուխ, աջից ձախ, հյուսիսից հարավ, վերևից ներքև քաղաքական է, ՍԴ խնդիրը քաղաքական է»,- հայտարարեց «Բարգավաճ Հայաստան» խմբակցության պատգամավոր Նաիրա Զոհրաբյանը:
Նրա խոսքով՝ մեր իշխանությանը դուր չի գալիս Սահմանադրական դատարանը և նրա նախագահը. «Ասել, որ մեր ուշքը գնում է «Հրայր Թովմասյան+վեցյակ»-ի համար՝ մեշ շռայլություն կլինի: Բայց մենք ուզում ենք, որ մեր երկրում գործընթացները լինեն իրավական»:
Զոհրաբյանը, դիմելով ՀՀ հպարտ քաղաքացիներին, ասաց. «Մեզ և ձեզ առաջարկվում է մեր հարկերից 630 մլն դրամ վճարել «Հրայր Թովմասյան ընդ քոմփանի»-ին: Ինչո՞ւ, միայն նրա համար, որ ձեր քիմքին դուր չի գալիս այս կանտորան»:
Դիմելով այս գործարքին գնալ պատրաստվող դատավորներին՝ պատգամավորն ասաց. «Որևէ իշխանություն հավերժ չէ, և հիշեք, որ իշխանության փոփոխությունից հետո ոչ միայն վերադարձնելու եք այդ գումարները, այլև ենթարկվելու եք քրեական պատասխանատվության»:
Մանրամասները՝ տեսանյութում: