Սաուդյան Արաբիայի կառավարությունը չեղարկել է ռեստորաններում տղամարդկանց և կանանց առանձին մուտքեր ապահովելու պարտադիր պահանջը:
Նախկինում, ըստ օրենքի, ռեստորաններում պետք է անպայման երկու մուտք լիներ. մեկը՝ կանանց և ընտանիքների համար, իսկ մյուսը՝ առանց կնոջ ուղեկցության տղամարդկանց համար:
Շատ ռեստորաններում, սրճարաններում և հանրային այլ վայրերում սահմանափակումները սկսել էին հանել դեռ նոր օրենքի ընդունումից առաջ:
Վերջերս Սաուդյան Արաբիան ակտիվորեն սոցիալական բարեփոխումներ է իրականացնում, բայց միևնույն ժամանակ երկրում ակտիվորեն պայքարում են այլակարծության դեմ: Այնուամենայնիվ, երկրում շարունակում են գործել կանանց իրավունքները շատ ոլորտներում սահմանափակող օրենքները:
Կիրակի օրը երկրի կառավարությունը հայտարարել է, որ ռեստորաններում այլևս պարտադիր չէ առանձին մուտքերի առկայությունը և այդ հարցով հաստատությունները կարող են ինքնուրույն որոշում կայացնել:
