«Դժգոհ եմ տեմպերից, բոլորս ավելին էինք սպասում: Հեղափոխության էներգիան շատ ավելիին է ընդունակ: Ընդհանուր միտումները վատը չեն, բայց դանդաղ են,- հետհեղափոխական շրջանի ձեռքբերումների և բացթողումների շուրջ «Առաջին լրատվական»-ի հետ զրույցում նշեց բանաստեղծ, հրապարակախոս Մարինե Պետրոսյանը:- Մի անհանգստացնող բան կա, երբ նայում ես, թե քաղաքական դաշտում ինչ դիսկուրս է, տեսնում ես, որ հիմնականում քննարկումները անցյալի ուժերն են թելադրում: Վատն այն է, որ իշխանությունը երբեմն բուռն արձագանքում է նրանց «ապուշություններին»: Ո՛չ քոչարյանական, ո՛չ էլ Ս. Սարգսյանի ուժերը շանս չունեն վերադառնալու, օբյեկտիվ վտանգ չկա, բայց այն, որ նրանք անընդհատ կան խոսակցության մեջ, կարող է հանգեցնել նրան, որ մի օր վերադառնան»:
Մարինե Պետրոսյանի խոսքով՝ նախկին ուժերը քննադատում են, որ ավանդական արժեքները քայքայվում են, և իշխանության կողմից վախի պատասխանն է նրանց այս կարգախոսը՝ «Հայաստանն իմ օջախն է»: «Սա շատ վտանգավոր գաղափարախոսություն է… «Հայաստանն իմ օջախն է» կարգախոսը վերցնում է գոյատևման մարտավարությունը, գուցե դա կարճաժամկետ առումով կարող է աշխատել, բայց հեռանկարային առումով խփում է Հայաստանի զարգացմանը, եթե Հայաստանը պատկերացնում ես օջախ, չես կարող զարգանալ: Ես հարգում եմ ընտանիքը, բայց երկիրը չի կարելի կառուցել ընտանիքի մոդելով: Հայրը և մայրը, ընտանիքը տրված են ճակատագրով, բայց պետությունը չի կարելի այդպես կառուցել, երկրի ղեկավարը ճակատագրով չի տրվում, Աստծուց չի տրված, նրան ընտրում ենք… Բացի դրանից՝ ընտանքում շահերը համընկնում են, իսկ պետության մեջ կան տարբեր շահեր, մի շահի վրա կառուցված պետությունն ամուր չէ»:
Մանրամասն՝ տեսանյութում:
