Լուրեր
Իշխող ուժում կան մարդիկ, ովքեր դիտավորությամբ ՍԴ ճգնաժամը լուծելու ուղղությունը փոխել են
  • 21:45
  • 2019-12-09
  • Դիտումներ՝ *

Եվրամիության Արևելյան գործընկերության քաղաքացիական հասարակության ֆորումը ընդունել է 2019թ. համաժողովի հռչակագիրը, որը նաև անդրադառնում է Հայաստանում Սահմանադրական դատարանի ճգնաժամին և կոչ անում Հայաստանի իշխանությանը շուտափույթ կազմավորել լեգիտիմ Սահմանադրական դատարան: Այս մասին հայտնել է ԱլԳ ՔՀՖ Հայաստանի ազգային համակարգող, «Իրավունքի Եվրոպա» միավորում հասարակական կազմակերպության նախագահ Լուսինե Հակոբյանը։

«Առաջին լրատվական»-ի հետ զրույցում Լուսինե Հակոբյանը նշեց. «Հռչակագիրը համակողմանի փաստաթուղթ է՝ ընդունված Եվրամիության և Արևելյան գործընկերության վեց պետությունների քաղաքացիական հասարակության մոտ 1000 կազմակերպությունների կողմից: Ըստ էության՝ արձանագրվել են այս տարիների թե՛ նվաճումները, թե՛ ձախողումները, և առաջարկություններ ու կոչեր են հնչել, թե որ ոլորտներն են կարևորություն ներկայացնում, որտեղ կցանկանայինք առաջընթաց տեսնել, և ինչպես ենք պատկերացնում մեր համագործակցությունը»:

Մեր զրուցակցի խոսքով՝ ՍԴ-ի հարցը այդ հարթակում բարձրացվել է, քանի որ Հայաստանի Սահմանադրական դատարանի ճգնաժամը մնում է խնդրահարույց։ «Հայաստանի վերաբերյալ արձանագրվել է, որ դատական իշխանությունը, այդ թվում նաև ՍԴ-ն ունի լեգիտիմության լուրջ բաց, և կոչ արվեց իրականացնել դատական իշխանության մասշտաբային բարեփոխումներ և շուտափույթ լուծել ՍԴ ճգնաժամը»,- ընդգծեց մեր զրուցակիցը:

Լ. Հակոբյանի խոսքով՝ ՍԴ ճգնաժամի խնդրի լուծմանը ֆորմալիստական մեթոդներով հասնել հնարավոր չէ: «Մենք կոչ ենք արել շուտափույթ կազմավորել լեգիտիմ Սահմանադրական դատարան, որը կվայելի վստահություն… Անհրաժեշտ է կատարել նաև Սահմանդրության 213-րդ հոդվածի փոփոխություն, որը ԱԺ-ն պետք է կատարի»:

 

Մանրամասն՝ տեսանյութում:

  • Դիտումներ՝ *