ՀՀ փոխվարչապետ Մհեր Գրիգորյանը չի շտապում հստակեցնել՝ գազի սակագինը թանկանալո՞ւ է ապրիլի 1-ից հետո, թե՞ ոչ։ Գրիգորյանը նշում է՝ այդ թեմայով բանակցությունները Ռուսաստանի հետ շարունակվում են, իսկ թե ինչ արդյունքներ կունենանք՝ ներկա դրությամբ չի կարող ասել։
«Դեռևս չեմ կարող կոնկրետ ասել ինչ կլինի ապրիլի 1-ից հետո, որովհետև բանակցությունները դեռ չեն ավարտվել և արդյունքները չենք ամփոփել։ Հիմա միայն մեկ բան կարող եմ ասել, որ մինչև ապրիլի 1-ը գազի գնի փոփոխություն չի լինելու»,- «Առաջին լրատվական»-ի հետ զրույցում ասաց փոխվարչապետը և միևնույն ժամանակ պատասխանելով գազի գնի գոյացման կասկածելի մեթոդաբանության վերաբերյալ հարցին, ընդգծեց․
«Գազի սակագինը իրավաբանական և ֆիզիկական անձանց համար, ի վերջո, ապրիլի 1-ից հետո հանրային քննարկման հարց է լինելու և դա քննարկվելու է բաց հարթակում։ Վստահ եմ, որ յուրաքանչյուրը կտեղեկանա ցանկացած ծախսի և ցանկացած ներդրումային բաղադրիչի մասին»։
Մանրամասները՝ տեսանյութում։
