Այսօր՝ դեկտեմբերի 9-ին, Ազգային ժողովում շարունակվում է հերթական նստաշրջանի աշխատանքը: Այժմ քննարկվում է 2016թ. ապրիլին ծավալված ռազմական գործողությունների հանգամանքները ուսումնասիրող քննիչ հանձնաժողովի գործունեության ժամկետը երկարաձգելու մասին ԱԺ որոշման նախագիծը:
Ինչպես հայտարարեց քննիչ հանձնաժողովի նախագահ Անդրանիկ Քոչարյանը՝ հանձնաժողովը միաձայն որոշել է դիմել ԱԺ հանձնաժողովի աշխատանքի ժամկետը երկարացնելու հարցով:
Անդրանիկ Քոչարյանը ներկայացրեց այն աշխատանքների ծավալը, որ այս ընթացքում կատարել է հանձնաժողովը. «Առ այսօր հանձնաժողովը ուսումնասիրել է շուրջ 2684 էջ ծավալով փաստաթղթեր»:
Նրա խոսքով՝ հանձնաժողովի 21 նիստում քննվել են 10 զինծառայողներ. «Հանձնաժողովն անցել է ամենաբարդ փուլը՝ փաստաթղթերի ստացման, ուսումնասիրման փուլը, և մենք վերջնական փուլը իրականացնելու ենք արդեն մեր հաստատած՝ պաշտոնյաների ցանկը վերջնական լսելու առումով, իսկ նրանց քանակը կարող է հասնել մոտավորապես մինչև 40-ի: Դա, մեր գնահատմամբ, կտևի մի քանի ամիս, և վերջին 2 ամիսը մենք նախատեսում ենք մեր վերջնական եզրակացությունների վրա համապարփակ աշխատանք իրականացնել»:
Մանրամասները՝ տեսանյութում:
