ՀՀՇ երիտասարդական կառույցը վերջերս մասնակցել է Լիբանանում կայացած Լիբերալ երիտասարդների ինտերնացիոնալի համաժողովին եւ ընտրվել վերջինիս լիիրավ անդամ: Այսօվա ասուլիսում ՀՀՇ վարչության նախագահ Արամ Մանուկյանը ներկայացրեց այդ համաժողովի ու դրա արդյունքում 105 երկրների կողմից ընդունված հայտարարության տեքստը, որտեղ անդրադարձել են ՀՀ-ում քաղբանտարկյալների խնդրին: Ըստ պարոն Մանուկյանի` ՀՀՇ-ն ամեն ինչ անելու է, որպեսզի միջազգային բոլոր կառույցները ճնշումներ գործադրեն իշխպանությունների վրա` քաղբանտարկյալներին ազատ արձակելու համար: Ավելին, նա նշեց, որ ՀՀՇ վարչության երկու անդամներ` Արամ Բարեղամյանն ու Հարություն Ուռուտյանը շարունակում են մնալ բանտերում: «Եվ պահանջում եմ, որ մինչեւ հունվար ազատ արձակեն քաղբանտարկյալներին»,- ասաց նա: Ինչ վերաբերում է հարցին, թե ինչ ճանապարհով պիտի ազատ արձակեն, Արամ Մանուկյանը նշեց. «Ում են օրինական բռնել, որ ես էլ ազատ արձակելու օրինական ճանապարհը ցույց տամ: Ոնց բռնել են, այնպես էլ ազատ կարձակեն»,- նշեց նա` հավելելով, որ եթե քաղբանտարկյալները հանցանք կատարած լինեին, ապա աշխարհը չէր պահանջի նրանց ազատ արձակումը: