Սաուդյան Արաբիայի ռազմաօդային ուժերի երկրորդ լեյտենանտ Մուհամմեդ Սաիդ ալ-Շամրանին, որ Ֆլորիդայի նահանգի՝ ԱՄՆ-ի ռազմաօդային բազայում սպանել է երեք մարդու, օրինականորեն է զենք ձեռք բերել:
Հանցագործության մանրամասները հայտնում է The Daily Mail- ը:
Սաուդցի զինվորականը գնացել է Պենսակոլեի զենքի խանութ և ընտրել Glock 45 տրամաչափի 9 միլիմետրանոց ատրճանակ: Գնման պահին նա սեփականատիրոջը ներկայացրել է որսորդական լիցենզիա, առանց որի Միացյալ Նահանգների բնակիչներին արգելվում է զենք վաճառել:
Ալ-Շամրանին, որը հանցագործության պահին 21 տարեկան էր, ԱՄՆ էր ժամանել 016-ի օգոստոսին՝ ռազմական օդաչուների քառամյա ուսումնական դասընթաց անցնելու համար: Associated Press գործակալության փոխանցմամբ՝ նա Պենասակոլեի բազայում միակ սաուդցին չէր. այս շաբաթ ալ-Շամրանին երեկույթ է լազմակերպել, որտեղ երեք հայրենակիցների հետ միասին դիտում է հասարակական վայրերում մարդկանց զանգվածային մահապատիժների տեսագրությունները: Հաղորդվում է նաև, որ այս երեք սաուդցիներից մեկը նկարահանել է այն, ինչ տեղի է ունեցել ավիաբազայում հանցագործության ժամանակ, իսկ մյուս երկուսը հետևել են մեքենայի միջից: Հայտնի է, որ հաստատության մերձակայքում ձերբակալվել են ընդհանուր թվով 10 սաուդցիներ։ Daily Mail-ը նշում է, որ ՀԴԲ-ն փնտրում է ևս մի քանի սաուդցիների, ովքեր, իբր, կարող էին թաքնված լինել: