ԱՄՆ նախագահ Դոնալդ Թրամփը պնդում է, որ իր հարաբերությունները Հյուսիսային Կորեայի առաջնորդ Կիմ Չեն Ինի հետ շատ լավ են դասավորվում:
ԱՄՆ-ի և Հյուսիսային Կորեայի միջև բանակցությունները Կորեական թերակղզու միջուկային հիմնահարցի շուրջ կանգ են առել Փխենյանի կողմից զենքի հերթական փորձարկումների ֆոնին: Միաժամանակ Հյուսիսային Կորեան դեռևս չի իրականացրել նոր միջուկային փորձարկումներ և զգալի հեռահարության հրթիռների արձակումներ, որոնք դադարեցվել են Կիմ Չեն Ինի և Թրամփի միջև գագաթնաժողովից առաջ:
Թրամփը բացասաբար է պատասխանել լրագրողների հարցին՝ մտահոգություն ունի՞ նա արդյոք Կիմ Չեն Ինից: Թրամփը հավելել է, որ ինքը «հրաշալի հարաբերություններ» ունի Հյուսիսային Կորեայի առաջնորդի հետ: Այնուամենայնիվ, նա խոստովանել է, որ կա «որոշակի թշնամանք» Հյուսիսային Կորեայի կողմից:
«Ես կզարմանայի, եթե Հյուսիսային Կորեան թշնամաբար գործեր: Ես շատ լավ հարաբերություններ ունեմ Կիմ Չեն Ինի հետ: Կարծում եմ՝ մենք երկուսս էլ ցանկանում ենք, որպեսզի այդպես էլ շարունակվի: Նա գիտի, որ ես ընտրությունների շեմին եմ: Չեմ կարծում, որ նա ցանկանում է միջամտել դրան»,- ասել է Թրամփը:
