Միջազգային փորձագետների խումբը կազմել է արտագաղթի համար աշխարհի լավագույն և վատագույն քաղաքների ցուցակը: Expat City Ranking 2019 վարկանիշային աղյուսակի տվյալները հայտնվել են Internations.org կայքում:
Աշխարհի 82 քաղաքների վարկանիշային աղյուսակը գլխավորել է Թայբեյը: Թայվանի մայրաքաղաքն արդեն երկրորդ տարին անընդմեջ գրավում է առաջատարի դիրքը: Դա բացատրվում է նրանով, որ հարցման բոլոր չափանիշները գտնվում են միևնույն բարձր մակարդակի վրա:
Արտագաղթողների մոտ 96%-ը նշել են քաղաքում կյանքի բարձր որակը, տեղական տրանսպորտը և առողջապահական համակարգը:
Արտագաղթի համար լավագույն քաղաքների թոփ տասնյակում են նաև Մալայզիայի մայրաքաղաք Կուալա Լումպուրը, վիետնամակլան Հոշիմինը, Սինգապուրը, կանադական Մոնրեալը, Լիսաբոնը Պորտուգալիայում, իսպանական Բարսելոնան, Շվեյցարիայում գտնվող Ցուգը, Հաագան՝ Նիդեռլանդներում և շվեյցարական Բազելը:
Արտագաղթի համար վատագույն քաղաքներն են Քուվեյթը, Նյու Յորքը, Լիման, Սան Ֆրանցիսկոն, Փարիզը, Լոս Անջելեսը, Լագոսը, Միլանը, Հռոմը:
