Հինգշաբթի օրը Հայդերաբադում հայտնաբերվել է 27-ամյա աղջկա դի, որը տեղի անասնաբույժն էր:
Երկրում շատերը, այդ թվում հայտնի մարդիկ, հանդես են եկել արդարադատության պահանջով: Մի քանի օր անց հազարավոր մարդիկ բողոքի ցույցեր են կազմակերպել Հայդերաբադի ոստիկանական բաժանմունքի մոտ՝ մարդասպաններին մահապատժի ենթարկելու պահանջով:
Կասկածյալները բերման են ենթարկվել, նրանց մեղադրանք է առաջադրվել, իսկ ուրբաթ առավոտյան նրանց տեղափոխել են հանցագործության վայր՝ քննչական փորձաքննության անցկացման համար:
Նրանք սպանվել են այն ժամանակ, երբ փորձել են զենքը խլել ոստիկաններից և թաքնվել, հաղորդել է ոստիկանության խոսնակը:
Չորս մեղադրյալների սպանության մասին հաղորդումներից հետո, զոհի մայրը BBC-ի հետ զրույցում ասել է, որ «արդարությունը վերականգնվել է»: Հազարավոր մարդիկ են դուրս եկել փողոց՝ ողջունելով ոստիկանության գործողությունները:
Միևնույն ժամանակ, իրավապաշտպան կազմակերպությունները, ներառյալ Amnesty International-ը, կոչ են արել հետաքննություն անցկացնել դեպքի առթիվ՝ պարզելու համար, թե արդյոք տեղի ունեցածը հաշվեհարդար չէր: