Ուկրաինայի Նախագահ Վլադիմիր Զելենսկին ժամանել է Դոնբաս, որտեղ նա մեկ րոպե լռությամբ հարգել է երկրի անկախության համար զոհված զինծառայողներին, և շնորհավորել է զինված ուժերին՝ զինված ուժերի օրվա կապակցությամբ: Համապատասխան տեսանյութը հասանելի է Նախագահի աշխատակազմի Facebook-ում:
Աշխատանքային այցի շրջանակներում Ուկրաինայի առաջնորդը այցելել է Կիևի վերահսկողության տակ գտնվող Դոնեցկի շրջանի Չասով Յար քաղաքում համատեղ զորքերի գործողությունների շտաբ: Ըստ Զելենսկու, ուկրաինական բանակը բոլոր դիվանագիտական բանակցությունների հաջողության գրավականն է, այդ իսկ պատճառով նա որոշել է հանդիպել զինծառայողների հետ՝ միջազգային բանակցությունների նախօրեին։
Երկրի ղեկավարը նշել է, որ ուկրաինական բանակը ավելի թույլ էր 5 տարի առաջ և «շատ բան չուներ», բայց մարտիկները գոյատևել են շնորհիվ կամքի և անպարտելի ոգու: «Մենք իսկապես խաղաղություն ենք ուզում, մենք չենք ցանկանում ամեն օր կորցնել լավագույնը: Եվ մենք անպայման կվերադարձնենք մեր ժողովրդին և մեր տարածքները: Դոնբասը Ուկրաինա է: Լուգանսկը Ուկրաինա է: Ղրիմը Ուկրաինա է»,- եզրափակել է պետության ղեկավարը: