Հյուսիսային Կորեայի առաջնորդ Կիմ Չեն Ընը սպիտակ ձիով բարձրացել է Պեկտուսան սուրբ լեռը՝ կնոջ, Լի Սոլ Չժուի, և զինվորական հրամանատարների հետ: Լուսանկարները հրապարակել է Հյուսիսային Կորեայի TsTAK լրատվական գործակալությունը: Վերջին երկու ամիսների ընթացքում Հյուսիսային Կորեայի առաջնորդն արդեն երկրորդ անգամ է հաղթահարում բարձունքը. նա այստեղ եղել է հոկտեմբերի կեսերին:
Կիմ Չեն Ընը նախօրեին մասնակցել է Պեկտուսան սուրբ լեռան ստորոտում գտնվող Սամջիյոն նոր քաղաքի բացմանը. նա կտրել է կարմիր ժապավենը: Հյուսիսային Կորեայի պաշտոնական վարկածի համաձայն, հենց Սոմջիյոնի շրջանում է ծնվել Կիմ Չեն Ընի հայրը՝ ընկեր Կիմ Չեն Իրը:
Պեկտուսան հանգած հրաբուխը Կորեական թերակղզու ամենաբարձր լեռն է, որի բարձրությունը ծովի մակարդակից 2750 մ է, իսկ խառնարանում գտնվում է Չհոնջին լիճը:
