Մի քանի օր առաջ համացանցում լուսանկարներ տարածվեցին, որոնցում 38-ամյա Ջասթին Թիմբերլեյքը բռնել էր 30-ամյա դերասանուհի Ալիշա Վեյնրայթի ձեռքը․ նրանք միասին նկարահանվում են «Պալմեր» (Palmer) ֆիլմում:
Այնուհետև հասարակությունը լրջորեն սկսեց կասկածել երգչին դավաճանության մասին՝ չնայած այն բանին, որ ինսայդերները պնդում էին, որ Ջասթինի և Ալիշայի միջև որևէ սիրավեպ չկա: Թիմբերլեյքը, որը երկար ժամանակ լռում էր, վերջապես երեկ հրապարակային հայտարարություն է արել և մեկնաբանել սկանդալային իրավիճակը իր Instagram-ում:
«Ես հնարավորինս հեռու եմ մնում բամբասանքներից: Բայց ես զգում եմ, որ իմ ընտանիքի համար շատ կարևոր է ցրել վերջին լուրերը, որոնք վնասում են իմ սիրած մարդկանց: Մի քանի շաբաթ առաջ ես մեծ սխալ կատարեցի իմ որոշման մեջ, բայց թույլ տվեք պարզաբանել. իմ և իմ գործընկերուհու միջև ոչինչ չի եղել: Ես այդ գիշեր շատ խմեցի և ափսոսում եմ իմ պահվածքի համար: Սա այն օրինակ չէ, որը ես կցանկանայի ուսուցանել որդուս,-գրել է նա,- ես ներողություն եմ խնդրում իմ գեղեցկուհի կնոջից և իմ ընտանիքից՝ նրանց անհարմար իրավիճակի մեջ դնելու համար և կանեմ հնարավոր ամեն ինչ, որպեսզի ավելի լավ ամուսին և հայր լինեմ»։