Վրաստանի ՆԳՆ Կենտրոնական քրեական ոստիկանության վարչության աշխատակիցները ձերբակալել են հանցավոր խմբի 11 անդամների՝ անչափահասների թրաֆիքինգի, ինչպես նաև նրանց մասնակցությամբ պոռնոգրական նյութերի արտադրություն և վաճառք են կազմակերպելու մեղադրանքով: Դեկտեմբերի 5-ին այս մասին ճեպազրույցում հայտարարել է Վրաստանի ներքին գործերի փոխնախարար Վլադիմիր Բորցվաձեն:
Նրա խոսքով՝ «օպերատիվ-քննչական միջոցառումներն իրականացվել են մի քանի ամիս, ինչի արդյունքում կալանավորվել են անչափահասների ծնողներն ու ուսուցիչները»:
«Անչափահաս երեխաների ծնողներն իրենց երեխաներին որոշակի գումարի դիմաց տարել են ԱՄՆ քաղաքացու լուսանկարչական ստուդիա: Հատուկ կահավորված սենյակում տեղի են ունեցել պոռնոգրաֆիկ լուսանկարների և տեսանյութերի նկարահանումներ», – ասել է Բորցվաձեն:
Մեղավորության հաստատման դեպքում ձերբակալվածներին սպառնում է 17-ից 20 տարի ժամկետով ազատազրկում կամ ցմահ բանտարկություն:
