Աշխարհի քաղաքներում ավելի ու ավելի շատ տեսախցիկներ են տեղադրվում և ավելի ու ավելի են ներդրվում դեմքի ճանաչման համակարգեր: Օրինակ՝ այս տեխնոլոգիական նվաճման շնորհիվ Չինաստանի Չունցին քաղաքի ոստիկանները 2019 թ․ ամռանը կարողացել են բռնել մի տղամարդու, որը կասկածվում էր 2002 թ. կատարված սպանության մեջ՝ գրում է The Guardian-ը:
Համակարգը սկանավորում է փողոցում գտնվող մարդկանց դիմագծերը և, եթե հայտնաբերում է 60% կամ ավելի բարձր համընկնում, անմիջապես տեղեկացնում է իրավապահ մարմիններին: Պարբերականի տեղեկություններով՝ նման տեխնոլոգիաները հաճախ են օգնում Չունցինի ոստիկաններին՝ բացահայտելու հանցագործությունները։ Այդ քաղաքը վերջերս առաջին տեղն է զբաղեցրել վերահսկողության տեսախցիկների ներդրման մասշտաբով:
Ինչպես պարզել է բրիտանական Comparitech հետազոտական ընկերությունը, Չունցինում 15,35 միլիոն մարդու համար կա 2,58 միլիոն տեսախցիկ՝ մեկ տեսախցիկ քաղաքի յուրաքանչյուր վեց բնակչի համար: Այսպիսով, տեսախցիկների քանակի առումով Չունցինըը գերազանցել է աշխարհի բոլոր մյուս քաղաքներին՝ ներառյալ Պեկինը, Շանհայը և նույնիսկ Չինաստանի Շենչժեն տեխնիկական զարգացման կենտրոնին:
