Այսօր՝ դեկտեմբերի 5-ին, Ազգային ժողովում շարունակվում է հերթական նստաշրջանի աշխատանքը: Այժմ վերսկսվում է ՀՀ 2020թ. պետական բյուջեի մասին օրենքի նախագծի քննարկումը:
«Ինձ համար զարմանալի է՝ տնտեսական զարգացման և պաշտպանության ուղղություններում ամենամեծ նվազեցումներն են արվել, և ավելացվել են մի տեղ, որը համարժեք չի կարող լինել պաշտպանությանը և տնտեսական զարգացումներին»,- ֆինանսների նախարարին ասաց «Բարգավաճ Հայաստան» խմբակցության պատգամավոր Սերգեյ Բագրատյանը:
Պատգաամվորը նախարարին հորդորեց ասել նաև, որ «Բարգավաճ Հայաստան»-ի 46 առաջարկներից ոչ մեկը չի ընդունվել. «Կարո՞ղ ա էդ կոյուղին մեր տանն ենք քաշելու: Եթե դուք Եղեգնաձոր քաղաքի Նորավան թաղամասի կոյուղագծի վերականգնման հարցը լուծեիք, կասեին՝ Բագրատյան Սերգե՞յն է արել, թե՞ կառավարությունը: Թողեք մեր ազդեցությունը բյուջեի 10 տոկոսի ծախսային մասի վրա, և համեմատենք ձեր արած 90 տոկոսը և մեր արած 10 տոկոսը»:
Ի պատասխան՝ նախարարն ասաց. «Ի՞նչ 10 տոկոս տանք ձեզ. այդպիսի պրակտիկա ինձ հայտնի չէ. առաջարկը գրավոր ձևակերպեք»:
Մանրամասները՝ տեսանյութում: