Լուրեր
Ստացվել է 160 առաջարկություն՝ շուրջ 368 մլրդ դրամի ծախս ավելացնելու վերաբերյալ. Ատոմ Ջանջուղազյան
  • 15:47
  • 2019-12-05
  • Դիտումներ՝ *

Այսօր՝ դեկտեմբերի 5-ին, Ազգային ժողովում շարունակվում է հերթական նստաշրջանի աշխատանքը: Այժմ վերսկսվում է ՀՀ 2020թ. պետական բյուջեի մասին օրենքի նախագծի քննարկումը:

«2020թ. վերանայվել է ծախսերի կառուցվածքը՝ հաշվի առնելով նախորդ տարվա կապիտալ ծախսերի համեստ կատարողականը: Ծախսերը կլինեն մոտ 100 մլրդ դրամով զիջող, և կունենանք 42,5 մլրդ դրամ պակասորդ»,- հայտարարեց ֆինանսների նախարար Ատոմ Ջանջուղազյանը:

Նրա խոսքով՝ կան խնդիրներ կապված կապիտալ ծախսերը իրացնելու հետ:

Ինչպես նշեց նախարարը՝ 2020-ին կանխատեսվում է, որ կառավարության պարտքը նախորդ տարիների համեմատ կաճի ավելի դանդաղ տեմպով, որի արդյունքում ՀՆԱ-ի նկատմամբ պարտքի ցուցանիշը կնվազի 1,4 տոկոսային կետով: «ՀՀ-ն գնահատվում է որպես նվազ պարտքի բեռ ունեցող երկիր»,- ընդգծեց նա՝ հավելելով, որ դա չպետք է հանգստացնի մեզ:

Նախարարը նշեց, որ շուրջ 368 մլրդ դրամի ծախս ավելացնելու վերաբերյալ 160 առաջարկություն է ստացվել. «Առաջարկների վերաբերյալ մենք ցուցաբերել ենք համակարգված մոտեցում, ոչ թե հատվածական»:

 

Մանրամասները՝ տեսանյութում:

  • Դիտումներ՝ *