Այսօր՝ դեկտեմբերի 5-ին, Ազգային ժողովում շարունակվում է հերթական նստաշրջանի աշխատանքը: Այժմ քննարկվում է Տեղական հանրաքվեի մասին օրենքում լրացումներ կատարելու մասին հարցը:
«Պարոն Տերտերյան, համայնքների խոշորացման հաջողված գեթ մեկ պատմություն չկարողացաք ներկայացնել»,- հայտարարեց «Բարգավաճ Հայաստան» խմբակցության պատգամավոր Նաիրա Զոհրաբյանը:
Նրա խոսքով՝ համայնքների խոշորացման ժամանակ պետք է հաշվի առնել մի շարք հանգամանքներ:
«Սյունիքի մարզում, երբ բդեշխություն էր տիրում, ժողովուրդը 80 տոկոսով դեմ քվեարկեց համայնքների խոշորացմանը, բայց թքեցին ժողովրդի կարծիքի վրա: Հիմա էլ ասում ենք՝ ժողովուրդ, քո կարծիքն ասա, բայց քո այդ կարծիքը կարևոր չէ՝ այս հարցն այսպես է լուծվելու: Հանրաքվեն պետք է ունենա իրավական ուժ»,- եզրափակեց Նաիրա Զոհրաբյանը:
Մանրամասները՝ տեսանյութում: