Այսօր՝ դեկտեմբերի 4-ին, Ազգային ժողով-Կառավարություն հարցուպատասխանի ժամանակ պատգամավոր Արման Բաբաջանյանի հարցն ուղղված էր վարչապետին. «Կարծում եմ՝ ԿամԱզ-ներից և շեյխերից ավելի կարևոր հարց ունենք՝ Արցախի հարցը: Բրատիսլավայում հնարավոր է հնգակողմ փաստաթուղթ ստորագրվի: Ուշագրավ է, որ Ադրբեջանն է փաստաթուղթ շրջանառել, ըստ որի՝ մոտավորապես փուլային տարբերակի նկարագրություն է. ազատագրված շրջաններից հայկական զորքերի դուրսբերում, ադրբեջանական բնակչության վերադարձի պահանջների վերադարձի մասին է խոսվում, որից հետո միայն Ղարաբաղի կարգավիճակի հարց: Նշվում է, որ Բաքուն այս շրջանակներից դուրս չի տեսնում հակամարտության քաղաքական կարգավորում»:
Պատգամավորը հետաքրքրվեց՝ որն է պաշտոնական Երևանի շրջանակը:
Ի պատասխան՝ վարչապետն ասաց, որ քննարկվող փաստաթուղթ սեղանին չկա. «Ղարաբաղի հարցում 1.5 տարվա ընթացքում մենք լուծել ենք մեր առջև դրված խնդիրը: Մեր ասելիքը առավել լսելի է դարձել միջազգային հանրության կողմից, և դրա վկայությունն այն է, որ մեր առաջարկած շատ բանաձևեր ընդունելի են համարվել»:
Մանրամասները՝ տեսանյութում: