Լուրեր
Միայն Գևորգ Կոստանյանը չէ, որ լքել է ՀՀ-ն. Սա դառնում է պրակտիկա. Վիկտոր Ենգիբարյանը՝ վարչապետին
  • 18:05
  • 2019-12-04
  • Դիտումներ՝ *

Այսօր՝ դեկտեմբերի 4-ին, Ազգային ժողով-Կասռավարություն հարցուպատասխանի ժամանակ «Իմ քայլը» խմբակցության պատգամավոր Վիկտոր Ենգիբարյանի հարցն ուղղված էր վարչապետ Փաշինյանին և առնչվում էր Մարտի 1-ի գործով նախկին գլխավոր դատախազ Գևորգ Կոստանյանին հետախուզում հայտարարելուն. «Նա մենակ չէ, որ լքել է ՀՀ-ն: Այս պրակտիկայի հետ կապված ի՞նչ մոտեցում ունեք»:

Ի պատասխան՝ վարչապետն ասաց. «Կա անձ, որի նկատմամբ շուտով մեղադրանք է առաջադրվելու, այդ մասին գիտի նաև ինքը, և ամենայն հավանականությամբ՝ երբ մեղադրանքն առաջադրվի, նա արդեն ՀՀ-ում չի լինի: Եթե մեր սկզբունքը օրինականությունն է, օրենքով մենք նրան չենք կարող արգելել լքել Հայաստանը»:

Փաշինյանը ընդգծեց, որ դա շատ բարդ թեմա է. «Մի մասին կհաջողվի վերադարձնել, մի մասին՝ ոչ: Բայց ամենակարևորն այն է, որ մենք իրավական պետության տեսակետից լինենք մաքսիմալ անաղարտ»:

 

Մանրամասները՝ տեսանյութում:

  • Դիտումներ՝ *