Այսօր՝ դեկտեմբերի 4-ին, Ազգային ժողով-Կառավարություն հարցուպատասխանի ժամանակ «Իմ քայլը» խմբակցության պատգամավոր
Միքայել Զոլյանի հարցն առնչվում էր Ռուսաստանի կողմից Ադրբեջանի զենքի վաճառքին և վարչապետի կոչին. «Ի՞նչ արձագանքներ կային նրանց կողմից»:
«Մենք շարունակում ենք արձանագրել, որ ՀԱՊԿ-ը անվտանգության այն համակարգն է, որում ընդգրկված է ՀՀ-ն: Հայաստանի իշխանությունների ասելիքը ավելի հասկանալի և ըմբռնելի է դառնում մեր գործընկերների համար»,- ասաց վարչապետը:
Նրա համոզմամբ՝ եթե Ղարաբաղի հակամարտության գոտում ունենանք նոր ռազմական էսկալացիա, դա շատ հետաքրքիր միջավայր կդառնա Սիրիայում իրենց հենարանը կորցնող իսլամական ահաբեկիչների համար. «Ադրբեջանը այդ վիճակում նրանց համար շատ լավ հենակետ կարող է դառնալ: Նրանց համար այդ դեպքում շատ հարմար է գործել դեպի հյուսիս, հարավ, արևելք և արևմուտք, իսկ այդ ուղղություններից առնվազն երկուսում ՀԱՊԿ երկրներ են: Այսինքն՝ մեր գործընկերները նաև սեփական անվտանգությունից ելնելով պետք է այս հարցը քննարկեն»:
Փաշինյանի խոսքով՝ «Իսլամական պետության» կազմում են Ադրբեջանի բազմաթիվ քաղաքացիներ
Մանրամասները՝ տեսանյութում:
