Լուրեր
Ինչու է Երևանի քաղաքապետարանը ավելացրել ամանորյա միջոցառումների բյուջեն

Հանրապետության գլխավոր տոնածառի լույսերը կվառվեն դեկտեմբերի 21-ին: Այս մասին «Առաջին լրատվական»-ի հետ զրույցում ասաց փոխքաղաքապետ Տիգրան Վիրաբյանը՝ հավելելով, որ «Երևան-2020»-ի ամանորյա տոնակատարությունները հեքիաթային են լինելու:

Երևանի քաղաքապետարանը խոստանում է, որ այս տարի Ամանորը Երևանում շատ գեղեցիկ և հետաքրքիր է լինելու. հեքիաթային քաղաք, Սուրբ ծննդյան տոնավաճառ, վերգետնյա անցում դեպի գլխավոր տոնածառ, համերգ Հանրապետության հրապարակում: Տոնական միջոցառումները կշարունակվեն վեց օր:

«Հարցին, թե որքան գումար կծախսվի ամանորյա միջոցառումներն իրականություն դարձնելու համար, փոխքաղաքապետը պատասխանեց. «Նախնական տարբերակով 2019թ. բյուջեով նախատեսված էր 54 միլիոն դրամ, այնուհետև ԿԳՄՍ նախարարության հետ քննարկումների արդյունքում որոշվեց միջոցառումների ծավալը մեծացնել. ընդհանուր բյուջեն կկազմի 326 միլիոն դրամ: Չորս կազմակերպություն է իրականացնելու միջոցառումները, որոնք ավելացված արժեքի հարկով աշխատող կազմակերպություններ են, ինչը նշանակում է, որ այդ գումարից 70 միլիոնը կվերադառնա պետբյուջե,- նշեց Տ. Վիրաբյանը:

Փոխքաղաքապետը վստահեցրեց՝ այս տարվա ամանորյա միջոցառումները լինելու են յուրօրինակ. «Նոր մյուզիքլ է գրվում տոնական լույսերի միջոցառման համար…, երևանցիները բարձրաճաշակ միջոցառման ականատես կլինեն»:

Մանրամասն՝ տեսանյութում:

  • Դիտումներ՝ *