Լուրեր
Նախկինում օլիգարխները հարկը նաղդով տալիս էին իրենց «նայողին»․ շքեղ առանձնատների գույքահարկի բարձրացումը բյուջեն լցնելու միջո՞ց
  • 10:00
  • 2019-12-03
  • Դիտումներ՝ *

«Իմ կարծիքով՝ այս օրենքի ընդունումը մի բան էլ ուշացած է,  մանավանդ, երբ 2020թ-ի հունվարի 1-ից արդեն ուժի մեջ պետք է մտնի եկամտային հարկի համահարթ տարբերակը և 23 տոկոս համահարթ հարկման պարագայում՝ եկամուտների վերաբաշխման խնդիրը նորմալ չէր լուծվում, այլ  ստացվում էր, որ բարձր եկամուտներ ստացողները  ավելի թեթև հարկային բեռի տակ են գտնվում, քան ցածր եկամուտներ ստացողները, հետևաբար, այս իմաստով՝  ես ողջունում եմ գույքահարկի վերանայման այս քայլը, քանի որ սա նաև սոցիալական համերաշխության հարկատեսակ է»,- «Առաջին լրատվական»-ի հետ զրույցում ընդգծեց «Տնտեսական իրավունքի կենտրոն» ՀԿ նախագահ Մովսես Արիստակեսյանը՝ խոսելով շքեղ առանձնատների գույքահարկը բարձրացնելու օրենքի մասին։

Նշենք, որ 2021թ-ից շքեղ առանձնատների գույքահարկը շուրջ 8 անգամ կբարձրանա։ Ազգային Ժողովն երկրորդ ընթերցմամբ ընդունել է սեփականության կադաստրային արժեքը շուկայական գնին մոտարկելու մասին օրենքը։ Կադաստրի պետական կոմիտեի նախագահի ժամանակավոր պաշտոնակատար  Արամ Կարախանյանն այս կապակցությամբ լրատվամիջոցներից մեկի հետ հարցազրույցում պարզաբանել է, որ կադաստրային արժեքի հիման վրա է հաշվարկվելու և Հարկային օրենսգրքով սահմանվելու գույքահարկի դրույքաչափը։ Կարախանյանը նաև նշել է, որ այն քաղաքացիների համար, որոնք, օրինակ, 1-2 սենյականոց բնակարաններում են ապրում, ավելացումն աննշան կլինի:

Հարցին՝ ինչու շքեղ առանձնատների  սեփականատերերը նախկինում դրանց դիմաց շատ չնչին գույքահարկ էին վճարում կամ, առհասարակ, չէին վճարում, Մովսես Արիստակեսյանը պատասխանեց․

«Դա քրեաօլիգարխիկ համակարգի մտածողությամբ էր պայմանավորված, որ իրենք արտոնյալ են  կամ ամեն ինչից ազատված են, որովհետև իրենց հարկը նաղդով տալիս են միանգամից իրենց նայողին, իսկ պետությանը տվող չկար»։

 

Մանրամասները՝ տեսանյութում։

 

  • Դիտումներ՝ *