Վրաստանի միասնական ընդդիմությունը մտադիր է բողոքի ցույցեր անցկացնել երկրի մարզերում: Այս մասին հաղորդել է «ՌԻԱ Նովոստին»՝ հղում անելով ընդդիմության առաջնորդներից մեկին՝ Գեորգի Վաշաձեին:
Ըստ վերջին տեղեկությունների, մարզերում բողոքի ցույցերը կսկսվեն հաջորդ շաբաթ՝ Քութաիսի քաղաքից, որտեղ լայնածավալ երթ կանցկացվի:
Վաշաձեն նաև հայտարարել է, որ, տարածաշրջանային բողոքի ցույցերի մեկնարկից առաջ, ընդդիմությունը հերթական փորձը կձեռնարկի Թբիլիսիում խորհրդարանի շենքն արգելափակելու համար:
Նոյեմբերի 14-ին Վրաստանի մայրաքաղաքում բողոքի ցույցեր սկսվեցին այն բանից հետո, երբ պատգամավորները տապալեցին խառը ընտրական համակարգից համամասնականի անցնելու վերաբերյալ խոստացված սահմանադրական փոփոխությունների ընդունումը:
