Թուրքիայի նախագահ Ռեջեփ Թայիփ Էրդողանը արձագանքել է Ֆրանսիայի նախագահ Էմանուել Մակրոնի՝ ՆԱՏՕ-ի «ուղեղի մահվան» մասին արած արտահայտությանը: Այս մասին հաղորդում է Anadolu գործակալությունը:
Նա ասել է, որ Թուրքիան ՆԱՏՕ-ի համար շատ կարևոր երկիր է:
«Մակրոնը հայտարարեց ՆԱՏՕ-ի ուղեղի մահվան մասին: Հարգելի Մակրոն, դու սկզբում քո սեփական ուղեղը ստուգիր, քանի որ նման հայտարարությունները հատուկ են նրանց, ում մոտ, ինչպես քեզ մոտ, ուղեղը մահացել է»,- ասել է Թուրքիայի առաջնորդը NTV հեռուստաալիքի եթերում:
Նա նաև հավելել է, որ Թուրքիայի արտաքսումը ՆԱՏՕ-ից ոչ ոքի չի վերաբեում, ինչպես նաև ընդգծել է, որ Թուրքիայի ինքնիշխանությունը պետք է հարգվի:
Բացի այդ, Էրդողանը գտնում է, որ Ֆրանսիայի առաջնորդը ահաբեկչության դեմ պայքարի փորձ չունի: Հենց դրա հետ է նա կապել «դեղին բաճկոնների» հետ կապված իրավիճակը, որոնք գրավել են երկիրը: