Իրաքի վարչապետ Ադել Աբդել Մահդին նոյեմբերի 29-ին հայտարարել Է, որ մտադիր Է հրաժարական տալ երկրում շարունակվող բողոքի ակցիաների ֆոնին:
«Ես մտադիր եմ պաշտոնաթողության խնդրագիր ներկայացնել Ներկայացուցիչների խորհրդին (խորհրդարան)», վարչապետի խոսքը մեջբերել Է Al Arabiya հեռուստաալիքը: Աբդել Մահդին իր որոշումը հիմնավորել Է նրանով, որ ձգտում Է կանխել «Իրաքի հայտնվելը բռնության ու քաոսի հորձանուտում»:
Իրաքում ցուցարարները հոկտեմբերի սկզբից ծայր առած բողոքների ընթացքում պահանջում են կառավարության հրաժարականը, պայքար կոռուպցիայի, գործազրկության դեմ, կենսապայմանների բարելավում: Զանգվածային լրատվամիջոցները հայտարարել են, որ բողոքի ակցիներին ուղեկցող ընդհարումների եւ անկարգություների հետեւանքով զոհվել Է ավելի քան 400 մարդ, տուժել Է եւս ավելի քան 15 հազար բնակիչ, հաղորդել Է ՌԻԱ Նովոստին: