Թավշյա հեղափոխությունը մասնակցային էր, ներառական։ Թավշյա հեղափոխությունը արժեքների մասին էր՝ մենք մերժում էինք համակարգային կոռուպցիան, թալանը, կեղեքումները, քաղաքական հետապնդումներն ու վարքն ու բարքը։
Ինչպիսի՞ն են ձեր դիտարկումները․ «Առաջին լրատվական»-ի հարցին քաղաքագետ Անուշ Սեդրակյանը պատասխանեց․ «Պետք է նշեմ, որ կոռուպցիայի դեմ պայքարը արժեքային չէ, որովհետև արժեքների համակարգը ընդհանրապես դա զուտ գաղափարական համակարգ է։ Եթե դու ուզում ես ստեղծել աթոռ, ապա նախ դու պետք է ստեղծես աթոռի գաղափարը՝ առանց դրա չի լինում։ Իսկ եթե դու ուզում ես ոչնչացնել աշխարհի բոլոր աթոռները, դու նախ պետք է ոչնչացնես աթոռի գաղափարը, որովհետև, այլապես նոր աթոռներ կստեղծվեն։ Հիմա հեղափոխության այդ փուլն անցած է, և մենք գնում ենք ստանդարտի։ Եթե դու խոսում ես, հռչակում ես անազնիվ հարստությունը, իսկ մենք գիտենք, թե ինչպես են հարստացել մեր բիզնեսմենները, պետական նախկին գործիչները, և սկսում ես տարբերակել՝ թե սրան ներում ենք, իսկ սրան ոչ, ապա ստանդարտը դադարում է գործել։ Իսկ արժեքը հանդես է գալիս նրանով, որ ստանդարտի մեջ է։ Օրինակ՝ Աստվածաշնչյան պատվիրաններից մեկն ասում է՝ մի՛ սպանիր։ Հիմա ինչպես կարելի է վերցնել ու ասել՝ այս մեկին սպանիր, իսկ այ այս մեկին՝ մի սպանիր։ Չէ՛, չի ստացվի։ Դրա համար բոլոր քաղաքակիրթ երկրներում անխտիր վերացնում են մահապատիժը։
Նույն ձևով արժեքային համակարգն է։ Դրա համար հեղափոխության այդ կապիտալիզացիան պետք է գա ինստիտուցիոնալիզացիայով, ինստիտուցիոնալիզացիան իր հերթին պետք է բխի ստանդարտի հաստատումով։ Տեսեք, ես ասում եմ ձանձրալի բաներ, որոնք այսօր ոչ մեկին էլ հետաքրքիր չեն։ Հիմա բոլորը ուզում են, որ ես ասեմ՝ այ սա պետք է նստի, որովհետև հանցագործ է, իսկ սրան պետք է «փռել», որովհետև գող է։ Այդ բառապաշարը բոլորի սրտին հովություն է, բայց աշխարհում ամենահեշտն այդ էժանագին բառապաշարն օգտագործելն է, և հասցնել նրան, որ մարդիկ հոգնեն դա լսելուց, որովհետև առայժմ դա գործում է»։
Մանրամասները՝ տեսանյութում։