Երևանի «Ուրարտու» ֆուտբոլային ակումբը հանդես է եկել հայտարարությամբ ՀՖՖ նախագահի և գործկոմի նախագահի առաջիկա ընտրության վերաբերյալ:
Հաղորդագրության մեջ աստված է. «Ուրարտու»-ն հայտնում է իր լիովին աջակցությունը ակումբների պահանջին ու ևս մեկ անգամ ընդգծում ՀՖՖ նիստին մասնակցելու իրավունք ունեցող անդամների ցանկի վերանայման կարևորումը, ներառյալ այն անդամների, որոնք ուղղակիորեն գտնվում են կառավարչական կախվածության կամ ազդեցության մեջ ՀՖՖ-ից: Ֆուտբոլային պրոֆեսիոնալ կազմի ձևավորումը հնարավոր է միայն օրինական և լեգիտիմ ճանապարհով՝ հիմնված արդարության ու հավասար ընտրական իրավունքի սկզբունքի վրա: Այս ամենից հետևում է, որ ընտրելու իրավունք պետք է ունենան միայն այն անձինք, որոնք ակտիվ ֆուտբոլային գործունեություն են ծավալում, ուստի և պետք է լինեն իրավազոր մասնակցելու ընտրություններին հավասար հիմունքներով: Հետևաբար, մենք կարծում ենք, որ ՀՖՖ կանոնադրական նպատակների իրականացումը հնարավոր է միայն ՀՖՖ անդամների ցուցակների վերանայման ու ՀՖՖ-ում ընտրության իրավունքի վերականգնման շնորհիվ: Միայն դրանից հետո է հնարավոր ինչպես նախագահի, այնպես էլ Գործադիր կոմիտեի անդամների ընտրությունների կազմակերպումն ու անցկացումը»:
Այս օրերին հայտարարությամբ ՀՖՖ նախագահի և գործկոմի ընտրությանն անդրադարձել էին հայկական մի շարք այլ ակումբներ:
Հայաստանի ֆուտբոլի ֆեդերացիայի նախագահ Արթուր Վանեցյանն օրեր առաջ հրաժարական տվեց նախագահի պաշտոնից, իսկ դեկտեմբերի 23-ին կլուծարվի նաև ՀՖՖ ներկայիս գործկոմը: Նույն օրը կընտրվի ՀՖՖ նոր նախագահ և գործկոմ: