Ընդդիմադիր կուսակցությունների պատգամավորները, որոնք բողոքի ցույց են անում Թբիլիսիում ընտրական համակարգը փոխելու համար, խորհրդարանի բակում իրենց մեծամասնական գործընկերներին դիմավորել են սուլոցներով և բղավել են՝ ամոթ: Կադրերը հեռարձակել է «Մտավարի» հեռուստաընկերությունը:
Հինգշաբթի օրը ընդդիմադիր կուսակցությունների և հասարակական կազմակերպությունների ակտիվիստները հավաքվել են Վրաստանի խորհրդարանի դիմաց՝ Ռուսթավելի պողոտայում, որպեսզի կրկին արգելափակեն շենքը: Պարեկապահակային ծառայողները երկաթյա շինություններ են տեղադրել և շենքի մուտք տանող հարակից փողոցներում շարք կանգնել:
Պատգամավորները խորհրդարան մուտք գործելու համար ստիպված են լինում օգտագործել շրջանցիկ ճանապարհներ, նրանք ներքին բակ մտնում են պետանվտանգության ծառայության մեքենաներով:
