ՀԱՊԿ-ի երկրների ղեկավարները 15 փաստաթուղթ են ստորագրել Բիշքեկի գագաթնաժողովում: Այդ մասին նոյեմբերի 28-ին հայտնել Է Ղրղզստանի նախագահի մամուլի ծառայությունը:
«ՀԱՊԿ-ի Հավաքական անվտանգության խորհրդի հերթական նստաշրջանի արդյունքներով, որը նոյեմբերի 28-ին տեղի Է ունեցել Ղրղզստանի Հանրապետության նախագահությամբ, ստորագրվել Է 15 փաստաթուղթ»,-ասել են մամուլի ծառայությունում:
Կողմերը պայմանավորվել են կատարելագործել միջազգային փոխգործակցությունն ու համագործակցությունը գլոբալ ու տարածաշրջանային անվտանգության ամրապնդման նպատակով, ամրագրել են Հայրենական մեծ պատերազմում Հաղթանակի 75-ամյակին նվիրված տոնական միջոցառումների ծրագիրը, ինչպես նաեւ համաձայնեցրել են տաջիկա-աֆղանական սահմանամերձ շրջանում լարվածության թուլացմանն ուղղված լրացուցիչ միջոցառումները:
ՀԱՊԿ-ի Հավաքական անվտանգության խորհրդի նստաշրջանը նոյեմբերի 28-ին տեղի Է ունեցել Բաշքեկում՝ Ղրղզստանի ղեկավար Սոորոնբայ Ժեենբեկովի նախագահությամբ: Դրան մասնակցել են Հայաստանի վարչապետ Նիկոլ Փաշինյանը, Բելառուսի նախագահ Ալեքսանդր Լուկաշենկոն, Ղազախստանի նախագահ Կասիմ-ժոմարտ Տոկաեւը, ՌԴ նախագահ Վլադիմիր Պուտինը եւ Տաջիկստանի նախագահ Էմոմալի Ռահմոնը:
