Իրավապաշտպանները հայտնել են Սիրիայում գտնվող Թուրքիայի կողմից վերահսկվող անվտանգության գոտում հնարավոր մահապատիժների և այլ հանցագործությունների մասին: Այս մասին հաղորդում է The Guardian-ը՝ վկայակոչելով Human Rights Watch-ի (HRW) ներկայացուցիչների զեկույցը:
Իրավապաշտպան կազմակերպության տվյալներով՝ Թուրքիայի աջակցությամբ գործող խմբերը կարող են մեղավոր լինել տեղի բնակչության (նրանց մեծ մասը քրդեր են) դեմ կատարված պատերազմական հանցագործությունների համար: HRW Մերձավոր Արևելքի տնօրեն Լի Վիտսոնը նշել է, որ «թուրքական խմբերը, որոնք օգտագործվում են անվտանգության գոտու տարածքը վերահսկելու համար, հենց իրենք են բռնություն գործադրում քաղաքացիական անձանց դեմ»: Նկարագրվել են մահապատժի, թալանի և փախստականների իրենց տներ վերադառնալ արգելելու առանձին դեպքերի ապացույցներ: