Երևանի ընդհանուր իրավասության դատարանը, դատավոր Աննա Դանիբեկյանի նախագահությամբ, 2019թ. նոյեմբերի 7-ին մերժել էր Մարտի 1-ի գործով ամբաստանյալ Ռոբերտ Քոչարյանի պաշտպանների միջնորդությունը նրա նկատմամբ որպես խափանման միջոց գրավի կիրառումը թույլատրելու մասին՝ անփոփոխ թողնելով Ռ. Քոչարյանի նկատմամբ որպես կախանման միջոց ընտրված կալանավորումը: Ռոբերտ Քոչարյանի պաշտպաններն այս որոշումը բողոքարկել են, Վերաքննիչ դատարանում բողոքի քննության նպատակով նիստ է հրավիրվել, սակայն այն հետաձգվել է:
Թեմայի շուրջ «Առաջին լրատվական»-ի հետ զրույցում փաստաբան Տիգրան Եգորյանը նշեց, որ Ռ. Քոչարյանի պաշտպանական կողմը դատավարական տեսանկյունից իրավունք ուներ ներկայացնել միջնորդություններ կիրառվող խափանման միջոցի վերաբերյալ. «Հիմքերը ստեղծվել են Սահմանադրական դատարանի կողմից…»:
«Բայց դատարանը չպետք է վերածել «ճարտասանների անկյունի», որտեղ ինքնաարտահայտման կարիք ունեցող մարդիկ կարող են անվերջ խոսել,- ընդգծեց փաստաբանը: Սա դատարան է, այս պրոցեսին մասնակցում են փաստաբաններ պաշտպանության կողմից, և նորմալ է, որ դատարանի կողմից նրանց տրամադրվի կոնկրետ ժամանակահատված, ինչպես նաև մյուս մասնակիցներին՝ կլինեն դատախազության, թե տուժող կողմի ներկայացուցիչներ, այսինքն՝ առարկությունների, հայտարարությունների համար կոնկրետ ժամանակահատված տրվի, ասենք երեք րոպե, առավելագույնը՝ տասը րոպե»:
Տիգրան Եգորյանը նաև հավելեց, որ Քոչարյանի պաշտպանական թիմի նկատմամբ լոյալություն է ցուցաբերվում:
Մանրամասն՝ տեսանյութում: