Չինաստանն առաջին անգամ ԱՄՆ-ից առաջ Է անցել արտասահմանում դիվանագիտական առաքելությունների թվաքանակով: Այդ մասին նոյեմբերի 27-ին հայտնել Է AFP-ն:
«Ներկայում Չինաստանը 276 դիվանագիտական ներկայացուցչություն ունի ամբողջ աշխարհում, ինչը երեքով ավելի Է, քան Միացյալ Նահանգներինը»,-գործակալությունը մեջբերում Է ամենամյա «Գլոբալ դիվանագիտական ինդեքսի» (Global Diplomacy Index) տվյալները:
Այդ արդյունքը կարելի Է համարել «աշխարհաքաղաքական փոփոխությունների» վկայություն, որոնք պայմանավորված են նախագահ Թրամփի վարչակազմի օրոք բյուջեի կրճատումների եւ դիվանագետների կարիերային անհաջողությունների պատճառով ամերիկյան դիվանագիտության համար «անորոշության ժամանակաշրջանի» գալով, նշում Է AFP-ն:
«Գլոբալ դիվանագիտական ինդեքսի» վերջին տվյալների համաձայն, աշխարհում դիվանագիտական առաքելությունների թվով երրորդ տեղում Ֆրանսիան Է (161 դեսպանություն եւ 89 գլխավոր հյուպատոսություն): Ռուսաստանը հինգերորդ հորիզոնականում Է (144 դեսպանություն եւ 85 գլխավոր հյուպատոսություն):
«Գլոբալ դիվանագիտական ինդեքսը» ազդեցության ցուցիչն Է համարվում աշխարհում, սակայն այն չի վկայում արտասահմանում դեսպանությունների աշխատանքի արդյունավետության մասին, ճշտում Է AFP-ն։
