«Մամուլի հետ սուրճ» հաղորդման նոյեմբերի 27-ի հյուրը ԱԺ «Լուսավոր Հայաստան» խմբակցության պատգամավոր Անի Սամսոնյանն է։
Մեր զրուցակիցն անդրադարձավ Կոռուպցիայի կանխարգելման հանձնաժողովի նախագահի պաշտոնում «Լուսավոր Հայաստանի» ներկայացրած թեկնածուի ընտրությանը և նշեց.«Որևէ զարմանալի բան չկա, որ վստահության քվեն որոշել են տալ Հայկուհի Հարությունյանին։ Իսկ ինչ վերաբերում է «Իմ քայլի» թեկնածուի հրաժարականին, ապա մի փոքր անսպասելի էր, բայց թե ինչու դա տեղի ունեցավ՝ այդ հարցի պատասխանը կարող է տալ հենց պարոն Շաթիրյանը։ Պետք է քննարկել, թե որն էր նրա նպատակն ու ակնկալիքը»։
Ըստ պատգամավորի՝ ընդդիմությունն ու իշխանությունը այս հարցում արդյունավետ համագործակցել են.«Սա խոսում է հանձնաժողովի պատրաստակամության, բարձր ադեկվատության մասին։ Ընտրել են մի մարդու, ով ունակ է ղեկավարել այդ հանձնաժողովը։ Իսկ Հայկուհի Հարությունյանը, կարծում եմ, այդ որակներն ունի»։
Հարցազրույցն ամբողջությամբ՝ տեսանյութում