ԿԺԴՀ ղեկավար Կիմ Չեն Ընը ստուգումներ է անցկացրել ԿԺԴՀ 5492-րդ զորամասում՝ հրճվանքի և երջանկության զգացողություն առաջացնելով կին զինվորների շրջանում: Այդ մասին հայտնում է Կորեայի Կենտրոնական հեռագրական գործակալությունը:
Հյուսիսային Կորեայի առաջնորդը բարձր է գնահատել կին զինվորների աշխատասիրությունը: Հավանաբար դա էլ ուրախության արցունքների պատճառ է դարձել:
Հյուսիսային Կորեայի ԶԼՄ-ները նշում են, որ բոլոր զինվորականները շատ ուրախ են եղել երկրի ղեկավարին տեսնելու փաստից:
«Նա հոգ էր տանում այս ընկերության կին զինծառայողների մասին … և նրանք գիշեր-ցերեկ փափագում էին տեսնել մեծ առաջնորդին և, առաջին հերթին, հարցնում էին նրա առողջության մասին», – ասվում է հաղորդագրության մեջ:
Պարբերականը նշում է, որ Կիմ Չեն Ընը այցելել է զորամաս առանց նախազգուշացման և գոհ է «զինծառայողների ռազմական պատրաստվածությամբ, զորանոցների մաքրությամբ և ժամանցային գործունեության բազմազանությամբ»:
