Նոյեմբերի 28-ին «Հայաստան» համահայկական հիմնադրամը կանցկացնի ազգային նվիրատվության 22-րդ հեռուստամարաթոնը՝ «Ես իմ անուշ Հայաստանին. կենարար ջուր և արև համայնքներին» խորագրի ներքո:
«Առաջին լրատվական»-ի հետ զրույցում «Հայաստան» համահայկական հիմնադրամի տնօրեն Հայկակ Արշամյանը, անդրադառնալով դիտարկմանը, որ փոխվել է մարաթոնի ձևաչափը՝ այն ուղիղ հեռարձակմամբ կմեկնարկի ժամը 22.00-ին՝ Հայաստանի հանրային հեռուստաընկերությամբ, և առաջին չորս ժամը կհեռարձակվի Երևանից, իսկ հաջորդ 8 ժամը Լոս Անջելեսից, նշեց. «Նախ՝ 21 տարի նույն ձևաչափն է եղել, կարծում եմ՝ արդեն այն ինչ-որ կերպ փոխելու ժամանակն էր, և երկրորդ՝ դրանով ուզում ենք ցույց տալ նաև համահայկական հիմնադրամի ցանցայնությունը, այն, որ տարբեր տեղերում ունենք, այսպես ասած, հիմնական թեժ կետեր, և երրորդ՝ ցանկանում ենք, որ ամբողջ աշխարհի մեր հայրենակիցներին ուղղված ուղերձն առաջին հերթին գնա Հայաստանից»:
«Եթե հիմնադրամը կարողանա 1 մլն հայ ներգրավել, որոնք ամսական 5-10 դոլար կփոխանցեն, Հայաստանը կշենացնենք»,- ընդգծեց Հայկակ Արշամյանը: Նա նաև վստահեցրեց, որ «Հայաստան» համահայկական հիմնադրամը հաղթահարել է վստահության ճգնաժամը:
Մանրամասն՝ տեսանյութում:
