Լուրեր
Վերջնական որոշումը կայացնելու է ԲԴԽ-ն. ինչպես է ստուգվելու դատավորների ֆինանսական վիճակը և բարեվարքությունը
  • 12:30
  • 2019-11-26
  • Դիտումներ՝ *

Անցած շաբաթ կառավարությունը հաստատեց «Դատական օրենսգրքում փոփոխություններ և լրացումներ կատարելու մասին» և «Սահմանադրական դատարանի մասին օրենքում փոփոխություններ և լրացումներ կատարելու մասին» օրենքների նախագծերը։

Արդարադատության նախարար Ռուստամ Բադասյանը նշել է, որ սա դատաիրավական բարեփոխումների ռազմավարությամբ նախատեսված հերթական գործողությունն է, որը միտված է անկախ, անաչառ և կոռուպցիայից զերծ դատական իշխանություն ունենալուն։ Փաստորեն, վեթինգ, թեկուզ այլ անվանմամբ, լինելո՞ւ է․ «Առաջին լրատվական»-ի հարցին Արդարադատության նախարարության ռազմավարական պլանավորման և էլեկտրոնային արդարադատության վարչության պետ Գոհար Հակոբյանը պատասխանեց․ «Բարեվարքության գնահատում, այո, լինելու է, և այս նախագծերի փաթեթը հենց հիմնականում նպատակաուղղված է այդ գործողության համար համալիր իրավական հիմքեր ստեղծելուն։ Մենք լիահույս ենք, որ այս նախագծերը կկարողանանք գործնականում լուծել, որովհետև մենք նախատեսել ենք ինչպես դատավորների, այնպես էլ դատավորների թեկնածուների համար մի քանի ուղղություններով»։

Դատավորների ֆինանսական վիճակը և բարեվարքությունը տարբեր ինստիտուտների կողմի՞ց է ստուգվելու․ «Առաջին լրատվական»-ի հարցին Գոհար Հակոբյանը պատասխանեց․ «Մի փոքր պարզաբանում։ Դրանք տարբեր չեն։ Գույքային դրությունը ևս բարեվարքության բաղադրիչ է։ Պարզապես բարեվարքության այդ բաղադրիչը ոչ միայն վերջնականորեն ստուգվելու է ԲԴԽ-ի կողմից, պարզապես ստուգման գործընթացը նախաձեռնվելու է այլ մարմնի՝ Կոռուպցիայի կանխարգելման հանձնաժողովի կողմից։ Բայց, միևնույն է, վերջնական որոշումը կայացնելու է ԲԴԽ-ն»։

 

 

Մանրամասները՝ տեսանյութում։

  • Դիտումներ՝ *