Վրաստանի հատուկ նշանակության ջոկատը ջրցաններ է օգտագործել Թբիլիսիի խորհրդարանի մոտ հավաքված ցուցարարներին ցրելու նպատակով, հաղորդում է Reuters գործակալությունը:
Սա տեղի է ունեցել մի քանի ժամ անց այն բանից հետո, երբ հազարավոր մարդիկ էին հավաքվել Վրաստանի մայրաքաղաքում՝ ընտրական համակարգի բարեփոխումներ պահանջելով: Ոստիկանությունը մի քանի ակտիվիստների է բերման ենթարկել:
Խորհրդարանի մուտքերի մոտ կանգնած ցուցարարները ստիպված են եղել հեռանալ:
Հիշեցնենք, որ Թբիլիսիում բողոքի ակցիաներն սկսվել են այն բանից հետո, երբ խորհրդարանը չկարողացավ ընդունել սահմանադրական փոփոխությունների վերաբերյալ օրինագիծը, համաձայն որի 2020 թվականի խորհրդարանական ընտրությունները պետք է ամբողջովին համամասնական համակարգով անցկացվեին: